罷工
我心明罷工係需要勇氣，8月5日罷工係因為當時社會氣氛都傾向三罷
所以未去到當日，好多公司機構都已經表示罷工或容許員工罷工
去到9月2、3日，再次發起三罷，但社會氣氛已經大不如前，好多人都無罷
而好多學生、年輕嘅手足深明好多人無罷，於是發起不合作運動，希望幫人罷工
結果，朝早比人拉哂。
當時我拎住電話，究竟罷定唔罷好呢?
結果，我諗咗好耐都未落到決定，始終都無勇氣去罷工
會喺到諗老細會唔會罵? 同事會唔會屌? 工作手尾點處理好?
但係，我腦海一諗起受傷嘅手足，被捕嘅手足，隨時坐十年嘅手足，仲瞓緊醫院嘅手足
我就二話不說打去直接講 我唔返了 我罷工 唔會拎任何AL同SL
即使面對後果，我都心安理得。
而結果，考慮罷工嘅擔憂都無一樣發生 可以話諗黎都多餘。
有咗呢次突破心理關口，今次多日三罷，我都諗都無諗，直接罷就罷
去到今時今日真係唔需要諗咁多
你接受又好 唔接受又好 香港的確進入內戰狀態
你想入平行時空去逃避都逃唔到
你地平時罵林鄭 罵黑警，但又支持手足 心痛手足
而手足真係為咗方便你地被罷工真係出去食咗子彈
連林鄭連續兩日開記召都串緊返工嘅香港人
林鄭：「香港人係唔會罷工，感激堅持返工嘅香港人」
連今日喺中環班黑警都笑返工嘅人
黑警：「各位~你地可以返工喇～多謝你地反對三罷～返工喇！你地咁鐘意返工，我都好鐘意返工！」
呢家返工都已經淪為林鄭同黑警嘅笑柄同變成佢口中沉默嘅大多數
你望住佢地咁講，你忍受到咩?
好好諗一下 當你踏出門口返工時 你腦海係諗緊咩
我唔想諗到咁極端，但如果你平時係支持手足而返工
你踏出去返工嘅每一步，都係踐踏緊手足嘅身體去行
我明白，係需要突破心理關口
但真係真係
當你突破咗，之後落嚟你就無嘢好怕
個人大膽咗 靚仔靚女咗 吸引力都大大提高
唔信? 即管試下
希望再有罷工行動時侯，「你」會支持。
btw 罷工唔係放假，係要出去「行動」，你懂的。
Search